प्रमुख प्रतिपक्षी दल नेपाली कांग्रेसका सभापति शेरबहादुर देउवाले नेपाल कम्युनिष्ट पार्टीका अध्यक्ष तथा प्रधानमन्त्री केपी शर्मा ओलीकै कारण सडकमा ‘राजा आऊ देश बचाऊ’ भन्दै नारा लाग्न थालेको वताएका छन् ।

नेपाली कांग्रेसले हेटौँडामा गरेको सरकार विरुद्धको प्रदर्शनलाई सम्बोधन गर्दै सभापति देउवाले प्रधानमन्त्री नै राजावादीहरुसँग मिलेको आशंका पनि गरे । ‘होईन भने राजा आऊ देश बचाऊ भन्दै हिँडिरहेका छन्। सरकार के हेरेर वस्या छ’ उनले भने ‘यो सव ओलीकै कारण भईरहेको छ।’

कम्युनिष्टको सरकार आउँदा कसैले रुन पनि पाउँदैन भनेर आफूले भनेको सम्झँदै उनले भने, ‘मैले कम्युनिष्ट पार्टी एक हुँदा भनेको थिएँ। कम्युनिष्ट जित्दा रुन पनि पाइँने छैन। किन रोइस् भनेर आउन बेर छैन।’ त्यो कुरा अहिले सत्य सावित भएको उनको तर्क छ । 

ओलीले एक दलिय सर्वसत्तावादी लागू गरेको र कम्युनिष्ट शासन गरेको उनको आरोप छ।