सप्तरीको राजविराज नगरपालिका १६ बोरियमा शुक्रबार बिहान आगलागी हुँदा जलेर एक वृद्धको मृत्यु भएको छ ।

बिहान करिब ४ बजे विद्युत सर्ट भएर गोठमा आगलागी भएको थियो। ओगोले गोठमै सुतेका ८५ वर्षीय झलाही यादवको जलेर घटनास्थलमै मृत्यु भएको जिल्ला प्रहरी कार्यालय सप्तरीका प्रवक्ता डिएसपी भूवनेश्वर प्रसाद साहले जानकारी दिए।

अचानक आगलागी भएपछि यादव भाग्न नसकेर आगोमा परेको पीडित परिवारले जानकारी दिएको छ । शव पोष्टमार्टमका लागि राजविराजस्थित गजेन्द्रनाराण सिंह अस्पताल पठाइएको साहले जानकारी दिए ।

आगलागीमा करिब एक लाख मूल्य बराबरको क्षती भएको प्रहरीले जनाएको छ ।