जनता समाजवादी पार्टी (जसपा)का नेताहरु र नेपाली कांग्रेसका सभापति शेरबहादुर देउवाविच भेटघाट भएको छ ।

देउवालाई भेटन जसपाका संघीय परिषद् अध्यक्ष डा. बाबुराम भट्टराई तथा अध्यक्ष महन्थ ठाकुर र राजेन्द्र महतो उनको निवास बूढानिलकण्ठ पुगेका हुन्। भेटघाटमा कांग्रेसका शीर्ष नेताहरु पनि सहभागी भएको जनाईएको छ ।

सरकारलाई संसद खुलाउन दबाव दिनेबारे छलफल गर्न उनीहरु विच भेटघाट भएको जनाईएको छ । तर, उनीहरु विच भएको छलफलका अन्य विषय भने सार्वजनिक भएको छैन ।

जसपाका संघीय परिषद् अध्यक्ष डा. बाबुराम भट्टराईले संसद खुलाउने विषयमा सामाजिक सञ्चालन मार्फत पनि माग गर्दै आएका छन् ।