बैतडीमा ट्याक्टर दुर्घटनामा परी २ जनाको मृत्यु भएको छ  मेलौली नगरपालिका–९ बाट मेलौली बजारतर्फ जाँदै गरेको सुप प्रदेश ०११२ त ४५७७ नम्बरको ट्याक्टर शनिबार साँझ दुर्घटनामा परेको थियो ।

दुर्घटनामा मेलौली नगरपालिका–९ का ३२ वर्षका नारायण भट्ट र ५८ वर्षीय नारायण भट्ट (नाम एउटै) को मृत्यु भएको प्रहरीले जनाएको छ । ट्याक्टरका चालक घाईते भएका छन् । कैलालीको गौरीगंगा नगरपालिकाका चालक २५ वर्षीय अमृत चौधरी घाइते भएको बैतडीका डिएसपी नारायणप्रसाद अधिकारीले वताए ।

ट्याक्टर सडकबाट १ सय मिटर जति तल खसेर दुर्घटना भएको प्रहरीले जनाएको छ । घटनाको कारण खुल्न सकेको छैन।