विभाजनको संघारमा पुगेको नेकपाको मंगलवार छुट्टाछुट्टै भेला भएको छ। प्रधानमन्त्री समेत रहेका अध्यक्ष केपी शर्मा ओलीले वालुवाटार र कार्यकारी अध्यक्ष पुस्पकमल दाहाल प्रचण्ड र माधव नेपाल समुहले ववरमहलमा भेला गरेका छन् ।

दुवै पक्षमा केन्द्रीय सदस्यको गणना गर्ने क्रम जारी छ। प्रधानमन्त्री एवं अध्यक्ष केपी शर्मा ओली पक्षले केन्द्रीय समिति बिस्तार गरी निवार्चन आयोगमा दर्ता गराएका छन् ।

बबरमहलमा भएको दाहाल–नेपाल पक्षको केन्द्रीय समितिमा सदस्यहरुको हस्ताक्षर संकलन गरिएको छ । एक नेताका अनुसार हालसम्म २९८ केन्द्रीय सदस्यको हस्ताक्षर संकलन गरिएको छ । नेकपाको केन्द्रीय कमिटी ४ सय ४७ सदस्यीय छ । ओली पक्षले यसमा ५ सय ५६ जना थप गरेको छ ।

केन्द्रीय समिति बैठकलाई सम्बोधन गर्दै नेता नेपालले बालुवाटारमा भएको बैठकलाई सानो गुट भेला भन्दै धेरै नेताहरु आफ्नै समूहमा रहेको बताएका थिए ।

सचिवालय सदस्यहरु वामदेव गौतम र रामबहादुर थापा भने दुवै भेला गएका छैनन् । उनीहरु गौतम निवास भैंसेपाटीमा भेटवार्तामा छन् ।