नेकपा (दाहाल–नेपाल) को विहिवार ववरमहल स्थित कार्की पार्टी प्यालेसमा सम्पन्न वैठकमा नेतृ रामकुमारी झाँक्री हावी भएकी छिन् । वैठकमा संसद विघटन विरुद्ध आन्दोलन परिचालन समिति गठन गर्ने प्रस्ताव पारित भएको थियो ।

नेतृ झाँक्रीले कमिटीको नाममा फरक मत राखिन। आन्दोलन परिचालन समिति नभई प्रतिगमनविरुद्धको आन्दोलन समिति बनाउनुपर्ने उनको मत थियो । अन्नतः झाँक्रीको मतअनुसार नै आन्दोलन समितिको नाम केन्द्रीय कमिटीबाट पारित भएको जनाईएको छ ।

आन्दोनलका लागि नारायणकाजी श्रेष्ठको संयोजकत्वमा २५ सय १ सदस्यीय आन्दोलन परिचालन समिति गठन गरेको छ ।

आन्दोलन परिचालनका लागि सोही समितिबाट सानो सचविालय गठन हुने र प्रदेशमा काम संचालन गर्न स्थायी कमिटी र प्रदेश कमिटीका पदाधिकारीले काम थाल्ने निर्णय भएको छ। यसैगरी, प्रदेशका पदाधिकारीले एक हप्ता भित्र प्रदेश कमिटी बैठक राख्नु पर्ने निर्देशन समेत बैठकले दिएको छ ।