कोभिड–१९ संक्रमित भई कक्षा १२ को परीक्षा दिन नपाएका विद्यार्थीहरुका लागि परीक्षा तालिका सार्वजनिक भएको छ ।

राष्ट्रिय परीक्षा बोर्डले पुस १६ देखि पुस २३ सम्म परीक्षा सञ्चालन गर्नका लागि परीक्षा तालिका सार्वजनिक गरेको हो । छुटेका विद्यार्थीहरुका लागि विहान १० बजेदेखि साढे ११ बजेसम्म सम्बन्धि विद्यालयमै परीक्षा सञ्चालन हुने जनाईएको छ ।

यसपटकको परीक्षा छुटे अर्को परीक्षाको ब्यवस्था भने नगरिने वोर्डले जनाएको छ । कोरोनाका कारण स्थगित परीक्षा गत पुस ९ देखि १६ गतेसम्म सञ्चालन गरिएको थियो ।