नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले संसद विघटन गरेर कलंकको टिका लगाएको वताएका छन् ।

जनसंस्कृतिक महासंघले सोमवार आयोजना गरेको कार्यक्रमलाई वोल्दै दाहलले यस्तो वताएका हुन् ।
ओली श्री ३ वन्ने वाटोमा लागेकाले उनलको पराजयको दिन पनि सुरु भएको उनको तर्क छ । ‘केपी ओली श्री ३ महाराजधिराज जंगेको बाटोमा हिँड्नुभयो । त्यस दिनबाट उहाँको पराजय र हाम्रो विजय यात्रा सुरु भयो’– उनले भने।

ओलीले संसद विघटन गरेकैले आफुहरु सडकमा आउन पाएकोमा उनले खुसी ब्यक्त गरे । केपी ओलीलाई धन्यवाद दिदै उनले भने–‘तपाईले हामीलालाई जनतामा जाने मुद्दा दिनुभयो । संविधान, संघीयता, गणतन्त्रको पक्षमा लड्ने मुद्धा दिनुभयो ।’

केपी ओलीको पतनको दिनदेखि नै आफुहरुको विजय यात्रा सुरु भएको पनि उनले वताए ।  अर्को चुनाव आफुहरुले जित्ने उनको दावी छ ।