नेपाल कम्युनिस्ट पार्टीका वरिष्ठ नेता झलनाथ खनालले प्रधानमन्त्री केपी ओलीको तानाशाहका विरुद्ध सडकमा आउनु परेको वताएका छन् । उनले ओलीको प्रतिगामी कदमका कारण आफूहरु सडकमा आउन बाध्य भएको बताए।

भृकुटीमण्डपमा भएको जनसभालाई सम्बोधन गर्दै नेता खनालले भने, ‘ओलीजस्ता तानाशाहले संविधानमाथि बलात्कार गरे, लोकतन्त्रमाथि प्रहार गरे । त्यसैले सडकमा आउन बाध्य भएका हौं ।’

उनले नेपालका पत्रकारहरुले लोकतन्त्रका लागि खेलेको भुमिकाको पनि स्मरण गरे । आज पनि पत्रकारहरुको काँधमा लोकतन्त्र वचाउने कार्यभार आईपरेको भन्दै उनले एकतावद्ध भएर अगाडि वढन सवैलाई आग्रह गरे । कांग्रेस, जसपा लगायतका पार्टी पनि लोकतन्त्रको र संविधानको रक्षाका लागि संघर्षमा रहेकाले ति आन्दोलनमा खनालले ऐक्यवद्धता जनाए ।