मुख्यमन्त्री राई भन्छन्– तीन वर्षमा विकासको लहर आएको छ
प्रदेश–१ का मुख्यमन्त्री शेरधन राईले नेपाल कम्युनिष्ट पार्टी (नेकपा) फुट्न र टुट्नका नबनेको बताएका छन्। इलामको सूर्योदय नगरपालिकामा चिया प्रशोधन केन्द्रको भवन उद्घाटनपछि नेकपा नेता राईले नेकपालाई फुटाउने अधिकार कसैलाई नभएको जनाउँदै आफूहरूले पार्टी फुट्न नदिने दृढता व्यक्त गरेका हुन्।
अर्को प्रसङ्गमा मुख्यमन्त्री राईले यस तीन वर्षमा प्रदेशमा ठूलै विकासको लहर आएको बताए, ’हामी निर्वाचित भएर आउँदा शून्य अवस्थामा थियौँ, अहिले हिँड्ने अवस्थामा पुगेका छौंँ’ उनले भने। कोरोनाको महामारीमा पनि प्रदेश सरकारले विकासका काम गरिरहेको बताए। उनले भने,’अब कोरोनासँग लडेर अघि बढ्नुको विकल्प छैन।’
(रासस)
