राजावादीको आन्दोलन दवाउन आयोजित बैठकमै राजसंस्थाको पक्षमा नारा
प्रधानमन्त्री केपी शर्मा ओलीले मंगलबार वालुटारमा सर्वदलिय वैठक डाके। वैठक मुख्यतया आफनै दलवाट सरकार अप्ठ्यारोमा परेको जानकारी गराउने र राजावादीहरूले सडकमा लगाएको राजसंस्था पुनर्स्थापनाको मागमा केन्द्रित थियो ।
गणतन्त्र र धर्मनिरपेक्षताविरूद्ध देशका मुख्य शहरमा भईरहेका प्रदर्शन कसरी तह लगाउने भन्ने विषयमा छलफल गर्न वोलाईएको सोहि वैठकमा राजसंस्था पुनर्स्थापनाको माग उठेको छ । सर्वदलीय बैठकमा सहभागी राष्ट्रिय प्रजातन्त्र पार्टीका नेताहरुले संविधान जारी गर्ने चार राजनीतिक दलमध्ये राप्रपा पनि एक रहेको भन्दै संविधानमै राजाका लागि ठाउँ दिइनुपर्ने वताए ।
बैठकमा राप्रपाका नेताहरुले संविधान बनाउँदा चौथो पात्र आफूहरु नै भएको र संविधानप्रति समर्थन रहेको बताए । उनीहरुले राजतन्त्रको पक्षमा भइरहेको आन्दोलनमा नैतिक समर्थन रहेको पनि पनि बताएका छन् ।
बैठकपछि राप्रपाका नेता दीपक बोहोराले आफुहरुले राजासहितको लोकतन्त्र र हिन्दु राष्ट्र कायम गर्ने विषयमा सर्वदलीय बैठकबाट छलफल र निर्णय गरौं भनेर प्रस्ताव राखेका वताए ।
बोहोराले भने, ‘यो आन्दोलनबारे चासो सबै पार्टीको थियो, तर हामीले दिएको विकल्पबारे कसैले जवाफ दिएन।’
गणतन्त्र र संविधानका पालक प्रधानमन्त्री ओलीले त्यसको प्रतिवाद गर्न नसकेको भन्दै नेकपाका नेताहरूले असन्तुष्टि ब्यक्त गरेका छन् ।
