कोरोना भाइरसबाट मृत्यु हुनेको संख्या ११ सय नाघ्यो, ४४ हजार संक्रमित
एजेन्सी। चीनमा महामारीका रुपमा फैलिएको कोरोना भाइरसका कारण मृत्यु हुनेको संझ्या ११ सय नाघेको छ। पछिल्लो २४ घण्टामा हुवेई प्रान्तमा थप ९४ जनाको मृत्यु भएसँगै कोरोना भाइरसबाट मृत्यु हुनेको संख्या १ हजार १ सय ७ पुगेको हो ।
मृत्यु हुनेमा १ हजार १ सय ५ जनाको चीनका र २ जनाले चीन बाहिरका रहेको सीएनएनले जनाएको छ। हुवेई प्रान्तमा मात्रै पछिल्लो २४ घण्टामा १६ सय ३८ जना कोरोनाको संक्रमित फेला परेका छन् । योसँगै कोरोनाबाट सङ्क्रमित हुनेको सङ्ख्या ४४ हजार ६ सय ३८ पुगेको जनाइएको छ ।
कोरोनाको महामारी नियन्त्रणमा नआएपछि विश्व स्वास्थ्य सङ्गठन (डब्ल्यूएचओ) को एउटा टोलीले चीनमा उपचार तथा संक्रमणको रोकथामका लागि खटिएको छ ।अन्तर्राष्ट्रियस्तरका विज्ञहरुसहित डब्ल्यूएचओको टोली सोमबार चीन पुगेको थियो ।
कोरोना भाइरस
