काठमाडाैँ – नेपाली कांग्रेसकी नेतृ रिता खनालले पुष्पकमल दाहाल प्रचण्डको पछिल्लो विवादीत अभिव्यक्ती मानसिक सन्तुलन गुमाएको विछिप्तता भएको बताएकी छन्।

पूर्वप्रधानमन्त्री गिरिजाप्रसाद कोइरालाले माओवादीलाई आक्रमण बढाउन भनेको भन्दै प्रचण्डले अभिव्यक्ति दिएपछि अहिले आलोचना भइरहेको छ ।

जीपी कोइराला फाउण्डेसन बाग्मती प्रदेश संयोजक खनालले विज्ञप्ति जारी गर्दै भनिन्- 'अहिंसात्मक आन्दोलनका महानायक गिरिजाप्रसाद प्रसाद कोइराला जसको भौतिक शरीर सदा सदाको लागि हामी सँग छैन ,त्यो युगपुरुषलाई आफ्नो मानव सभ्यताको इतिहासमा अत्यन्तै क्रूर नरसम्हारकारी इतिहास रचेका प्रचण्डको यो अभिव्यक्ति मानसिक सन्तुलन गुमेको बिछिप्त अवस्था हो !'