काठमाडौंः त्रिभुवन विमानस्थलबाट आइतबार बिहान सात बजे उड्नुपर्ने विमानको उडान नहुँदा नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र समाजवादी पार्टीका अध्यक्ष डा. बाबुराम भट्टराईबीच भेट भएको छ ।

बाबुरामले ट्वीटरमा फोटो राख्दै विमान ‘डिले’ हुँदाको फाइदा भनेर लेखेका छन् । उनले लेखेका छन्, ‘७ बजे उड्नुपर्ने प्लेन १० बजेसम्म उडेको छैन! एयरपोर्टमा घण्टौं कुर्दाको फाइदा चाहिँ सबै पार्टीमा छरिएका साथीहरूसँग भेटघाट र गफगाफ गर्न पाइने! नकारभित्र सकार भनेको शायद यही हो! अथवा चित्त बुझाउने मेसो!’  

प्रचण्ड र भट्टराईसँगै गृहमन्त्री रामबहादुर थापा ‘बादल’ पनि सँगै छन् । प्रचण्ड र थापा नेकपाको कार्यकर्ता प्रशिक्षण कार्यक्रममा भाग लिन बाँके जान लागेका हुन् । बाबुराम भने पोखरा जान लागेका हुन्।  

बाबुराम भट्टराई प्रचण्ड