बुटवल – रुपन्देहीमा  एक किशोरीमाथि सामूहिक बलात्कार भएको छ।  सम्मरीमाई गाउँपालिका–३ थुम्हवाकी १६ वर्षीया ती किशोरीलाई स्थानीय तीन जना युवाले जबरजस्ती करणी गरेका हुन्।

इलाका प्रहरी कार्यालय मर्चवारका अनुसार जबरजस्ती करणीमा संलग्न भएको अभियोगमा तीन जनालाई नै नियन्त्रणमा लिइएको छ।

इलाका प्रहरी कार्यालय मर्चवारका प्रहरी निरीक्षक चित्रबहादुर घलेले गाउँमा आयोजित महायज्ञमा गएका बेला किशोरीलाई बोलाएर घरभन्दा केही टाढा निर्माणाधीन भवनमा पुर्‍याइ तीन जनाले बलात्कार गरेको प्ररम्भिक अनुसन्धानबाट खुलेको बताए।

घटनामा संलग्न तीनै जना युवा र किशोरीको मेडिकल परीक्षणको लागि भीम अस्पताल भैरहवा पठाइएको प्रहरीले जनाएको छ ।