झापाः प्रधानमन्त्री केपी शर्मा ओलीले अब कोही व्यक्ति भोकै बस्नु नपर्ने बताएका छन् । गृह जिल्ला झापाको दमकमा आयोजित दमक–चिसापानी–रवि कालोपत्रे सडक शिलान्यास समारोहमा बोल्दै उनले वर्तमान सरकारले जनताको आधारभूत आवश्यकता पूरा गर्ने गरी काम गरिरहेकाले कोही पनि भोकै बस्नु नपर्ने बताएका हुन् । 

गरिवी निवारणका लागि जनता आवास कार्यक्रम अन्तरर्गत देशभर आठ हजार घर बनाइएको, युवा बिद्यार्थीहरुका लागि प्रमाणपत्र धितो राखेर ऋण दिने व्यवस्था गरिएको उनले बताए । 

अर्को प्रसङमा बोल्दै प्रधानमन्त्री ओलीले सरकारका काम देखेर बिपक्षीको निन्द्रा हराएको बताए । आफू प्रधान्मन्त्री भएपछि देशभर तीन हजार किलोमिटर बाटो कालोपत्रे भएको साथै दुई सय ३५ वटा पुल बनेको भन्दै देशमा बिकासको गति बढेको बताए । 

यसैबीच प्रधानमन्त्री ओलीले आइतबार नै बहुप्रतिक्षित दमक–चिसापानी–रबि कालोपत्रे सडकको शिलान्यास गरेका थिए । नेपाल सरकार भौतिक पूर्वधार मन्त्रालयमार्फत सडक डिभिजन कार्यलय दमकको आयोजनामा काम भईरहेको सो सडकको आज एक कार्यक्रमकाबीच शिलान्यास गरेका हुन् । 

कार्यक्रममा भौतिक पूर्वधार मन्त्री बसन्तकुमार नेम्बाङ्गले सो सडकको तीन खण्डमा काम भइरहेकोे बताए । 

आइतबार नै ओलीले दमकको कृष्णमन्दिरदेखि बेलडाँगी जोड्ने कालोपत्रे सम्पन्न भएको सडक , दमक र मोरङको मिक्लाजुङ्ग जोड्ने मावाँ खोलाको पुलको उद्घाटन गरेका थिए । 
 

केपी शर्मा ओली निन्द्रा हरायो