काठमाडौँ। स्वास्थ्य मन्त्रालयले चीनको वुहानबाट उद्दार गरिएका १७५ जनामध्ये कसैमा पनि कोराना भाइरसको संक्रमण नदेखिएको बताएको छ।  

मन्त्रालयले बुधबार आयोजना गरेको पत्रकार सम्मेलन बोल्दै प्रवक्ता महेन्द्र श्रेष्ठले फागुन ४ गते चीनको वुहानबाट ल्याएका १७५ जनाकै स्वास्थ्य परीक्षण गरिएको र त्यसक्रममा कसैमा पनि कोरोना भाइरसको संक्रमण नभेटिएको जानकारी दिएका हुन् । 

उनीहरुलाई नेपाल सरकारको जहाज मार्फत आइतबार बिहान काठमाडौं ल्याईएको थियो र, स्वास्थ्य जाँच गरिएको थियो । उनीहरुलाई खरिपाटीस्थित क्वारेन्टाइनमा राखिएको छ । मन्त्रालयकाअनुसार क्वारेन्टाइनमा राखेको १४ दिनमा फेरि स्वास्थ्य जाँच गरिनेछ ।

#कोरोना भाइरस