कञ्चनपुरः सूचना तथा सञ्चारमन्त्री गाेकुल बाँस्काेटाले सेक्युरिटी प्रेस खरिद सम्बन्धमा सार्वजनिक भएकाे अडियाे टेपबारे प्रारम्भिक प्रतिक्रिया दिएका छन् । कञ्चनपुर भ्रमणमा रहेका मन्त्रीले बेलडाँडी गाउँपालिकाले आज बिहान आयाेजना गरेकाे कार्यकर्ता भेटघाट तथा चियापान कार्यक्रममा अडियाे काण्डबारे प्रतिक्रिया दिएका हुन् ।

"मेराे बारेमा चर्चा चलेकाे छ । तर अहिले यसबारेमा बिस्तृतमा भन्दिनँ ।" मन्त्रीले भने, "काठमाडौं पुगेर  म आफ्नाे धारणा राख्छु ।" व्यक्तिमाथि आराेपलाग्दा त्यसकाे असर व्यक्ति स्वयमलाई पर्ने बताउँदै मन्त्री बास्काेटाले आफूले गलत गरेकाे भए त्यसकाे सजाय भाेग्न तयार रहेकाे बताए । "व्यक्तिका लागि पार्टी जाँदैन । जसले गल्ती गरेकाे हाे त्याे जान्छ, यसले पार्टीलाई लैजान्छ भन्ने हाेईन । आत्तिनु पर्दैन । मैले गल्ति गरेकाे भए म जाउँला । विगतदेखि नै हाम्राे पार्टीकाे परिपाटी पनि यस्तै छ ।"

दुई दशकदेखि सत्तामा जान नपाएका शक्तिहरु वामपन्थी सरकारलाई बदनाम गर्न चाैबिसै घण्टा लागिपरेकाे बताउँदै मन्त्री बाँस्काेटाले अडियाे प्रकरण पनि त्यसकै निरन्तरता भएकाे बताए ।

अडियाे प्रकरणबारे तथ्यसहित बिस्तृत कुरा काठमाडौं गएर बाेल्ने उनकाे भनाई थियाे । मन्त्री बास्काटा आज नै बेलाैरी र पुनर्वासकाे कार्यक्रम सकेर काठमाडौं फर्किंदै छन् ।

घुस बार्गेनिङ गाेकुल बाँस्काेटा सेक्युरिटी प्रेस खरिद