कञ्चनपुरः सञ्चार तथा सूचना प्रविधिमन्त्री गोकुल बाँस्कोटाले सेक्युरिटी प्रेस खरिदबारे सार्वजनिक भएको अडियो सम्बन्धमा आरोप प्रमाणित भए सजाय भोग्न तयारी रहेको बताएका छन् ।

आज बिहान नेकपा बेलडाँडीद्वारा बेलडाँडी गाउँपालिकामा आयोजित कार्यकर्ता भेटघाट कार्यक्रममा  मन्त्री बाँस्कोटाले भने, ‘जसले गल्ती गर्छ, त्यही जान्छ । यस्ता विषयले पार्टीलाई लैजाने होइन, आत्तिनु पर्दैन, मैले गल्ती गरेको भए मै जाउँला ।’ 

उनले काठमाडौं फर्किएपछि अझै विस्तृत प्रतिकृया दिने बताए । मन्त्री बाँस्कोटाले यसलाई राजनीतिक रंग दिएर प्रपोगाण्डा मच्चाउन लागिएको प्रारम्भिक प्रतिक्रिया दिए । 

उनी आजै बेलौरीमा टेलिकमको उद्घाटन र पुनर्वासमा कार्यकर्ता भेटघाट गरेर काठमाडौं फर्किने कार्यक्रम छ । मन्त्री बाँस्कोटा बुधबार महेन्द्रनगरमा सुरु भएको सुदूरपश्चिमाञ्चल औद्योगिक व्यापार मेला तथा कञ्चनपुर पर्यटन महोत्सवको उद्घाटन गर्न यहाँ आएका थिए । 

गोकुल बास्कोटा सेक्युरिटी प्रेस खरिद अडियो काण्ड