इटहरीः सुनसरीमा हायस र नाइट बस एकआपसमा ठोक्किँदा तीन जनाको ज्यान गएको छ । महेन्द्र राजमार्गस्थित इनरुवाको सखुवागाछिमा आज बिहान दुर्घटना हुँदा तीन जनाको ज्यान गएको हो । दुर्घटनामा थप चार जना घाइते भएका छन् ।

पूर्व क्षेत्रीय ट्राफिक प्रहरी कार्यालय इटहरीका अनुसार घाइतेको संख्या अझै बढ्न सक्ने छ । पूर्वतर्फ आइरहेको ना ६ ख ७९५ नम्बरको बस र पश्चिमतर्फ गइरहेको बा ५ ख ३१५७ नम्बरको हायस एक आपसमा जुधेका हुन् ।

घाइतेहरुलाई उपचारको लागि अस्पताल लगिएको छ । मृतकको सनाखत भएको छैन । घटनाको विस्तृत विवरण आउन बाँकी छ ।
 

सुनसरी दुर्घटना