काठमाडौँ। नेपालमा पहिलो पटक चिनियाँ भिसा आवेदन केन्द्र खुलेसँगै भिसा शुल्कमा भारी वृद्धि भएको छ । नेपालीहरूले अब चिनियाँ भिसा लिँदा पहिलेको भन्दा झन्डै तेब्बर दस्तुर बुझाउनुपर्ने भएको छ ।

भिसा शुल्कभन्दा आवेदन केन्द्रले दिने सेवा शुल्क बढी बुझाउनुपर्ने भएपछि शुल्क बढेको हो । अब नियमित भिसा लिने नेपालीले २ हजार २ सय र सेवा शुल्कबापत ३ हजार ९ सय बुझाउनुपर्ने छ । त्यस्तै, एक्सप्रेस–२ भिसाका लागि ४ हजार ९ सय र सेवा शुल्क ५ हजार ८ सय ५० बुझाउनुपर्ने भएको छ ।

एक्सप्रेस–१ भिसाका लागि ६ हजार २ सय र सेवा शुल्क ७ हजार ८ सय तिर्नुपर्ने हुन्छ । नियमिततर्फ चार दिन, एक्सप्रेस–२ तर्फ तीन दिन र एक्सप्रेस–१ तर्फ दुई दिनमा भिसा पाउन सकिन्छ । यसअघि एक नेपालीले एकल प्रवेशमा चिनियाँ भिसाका लागि आवेदन दिँदा नियमिततर्फ २ हजार २ सय रुपैयाँ, एक्सप्रेस–२ तर्फ ४ हजार ९ सय र एक्सप्रेस–१ तर्फ ६ हजार २ सय नेपाली रुपैयाँ बुझाए पुग्थ्यो ।

भिसा शुल्कवृद्धि