काठमाडौंः भारतको उत्तर प्रदेशको राजधानी लखनऊमा आइतबार बिहान अखिल भारतीय हिन्दू महासभाका प्रदेश अध्यक्ष रणजीत बच्चनको गोली प्रहार गरि हत्या गरिएको छ ।

रणजीत बच्चन आफ्ना भाइका साथ मर्निङ वाकमा गइरहेका बेला गोली प्रहार गरि हत्या भएको हो । रणजीतका भाइलाई पनि गोली लागेको छ र उनको उपचार भइरहेको छ ।

लखनऊका अतिरिक्त प्रहरी आयुक्त नवीन अरोडाका अनुसार आइतबार बिहान ६ बजे रणजीत मर्निङ वाल्कका लागि निस्केका थिए । मोटरसाइकलमा आएका दुई जनाको समूहले गोली प्रहार गरेलगत्तै घटनास्थलमा उनको मृत्यु भएको हो ।

भारतीय सञचार माध्यमहरुले प्रहरीलाई उद्धृत गर्दै हत्यारको खोजी भइरहेको जनाएका छन् । यसअघि गत वर्ष हिन्दूवादी नेता कमलेश तिवारीको पनि घरमा आएको समूहले हत्या गरेको थियो ।

हत्या रणजीत बच्चन भारतीय हिन्दू महासभा