काठमाडौँ। सवारी दुर्घटनामा परी घाइते भएका नेकपा (माले)का महासचिव सिपी मैनालीको अवस्था खतरामुक्त रहेको छ ।

काठमाडौँको टोखास्थित ग्राण्डी अन्तर्राष्ट्रिय अस्पतालमा उपचाररत उनको दाहिने खुट्टा दुई ठाउँमा भाँचिएको तर शरीरमा भित्री चोट नभएको जनाइएको छ ।

प्रारम्भिक स्वास्थ्य परीक्षण रिपोर्टमा उहाँको अवस्था सामान्य देखिएको छ । झापाबाट काठमाडौँ फर्कदै गर्दा महासचिव मैनाली हिजो बर्दीबास नजिक दुर्घटनामा परेका थिए।

दुर्घटनामा मनौलीका छोरा ३० वर्षीय सरोज, बुहारी पूजा ढुङ्गाना मैनाली, ५ वर्षीय नाति एन मैनाली र चालक रामप्रसाद पौडेल पनि घाइते भएका छन। 

सिपी मैनाली खतरामुक्त