भक्तपुर – भक्तपुर प्रहरीले जिल्लाका विभिन्न स्थानका होटल, रेष्टुरेन्ट तथा खाजाघरमा छापा मारेर १६ जनालाई पक्राउ गरेको छ ।  अरनिको राजमार्ग आसपासमा खुलेका केही होटलजन्य व्यवसायमा कानुन विपरितका (अवैध) कार्य हुँदै आएको सूचनाका आधारमा प्रहरीले छापा मारेर १६ जनालाई पक्राउ गरेको हो ।

पक्राउ पर्नेमा आठ जना पुरुष र आठ जना महिला छन् ।  महानगरीय प्रहरी वृत्त जगातीका प्रमुख डिएसपी चक्रराज जोशीका अनुसार, पिसफुल, प्याराडाइज, कस्तुरी खाजाघर, ए–वान र थकाली खानाघरबाट उनीहरुलाई नियन्त्रण लिइएको हो ।  

यस क्षेत्र यौन अखडा बन्न थालेपछि प्रहरीले विशेष शुद्धीकरण अभियान सुरु गरेर ‘स्विप अपरेशन’ चलाएको उनले बताए । विशेषगरी यस क्षेत्रमा सञ्चालित खाजाघर, गेष्ट हाउस तथा रेष्टुराँलाई प्रहरीले निगरानीमा राखेको छ ।  ·