जनकपुर - जनकपुर भन्सार कार्यालयका एक कर्मचारी पक्राउ परेका छन्। अख्तियार अनुसन्धान अयोगको बर्दिबास कार्यालयबाट खटिएको टोलीले कार्यालयका नायब सुब्बा अहमद रजा अन्सारीलाई घुससहित रंगेहात पक्राउ गरेको हो।

जनकपुरधाम उपमहानगरपालिका– ९ स्थित पिडारी चोकबाट १ लाख ५० हजार घुस सहित अन्सारीलाई अख्तियारको टोलीले सोमबार साँझ पक्राउ गरेको हो। उनलाई अख्तियारको बर्दिबास कार्यालयमा अनुसन्धानकालागि लैजाने तयारी भैरहेको छ।