टिपरको ठक्करबाट साइकलयात्रीको मृत्यु
बिराटनगर। मोरङको सुन्दरहरैँचा नगरपालिका–१० जरुवा स्थित खोर्साने केराबारी सडक खण्डमा टिपरले ठक्कर दिँदा साइकलयात्रीको मृत्यु भएको छ ।
सोमबार बिहान खोर्सानेबाट केराबारीतर्फ जाँदै गरेको प्रदेश नं.१–०२–००१ ख ८१०९ नं.को ट्रिपरले सोहि दिशा तर्फ जादै गरेका साइकल यात्री सुन्दर हरैचा –१० बस्ने ४७ वर्षीय बाबुराम कार्कीलाई ठक्कर दिएको थियो ।
ठक्करबाट घाईते कार्कीको कोशी अस्पताल बिराटनगरमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ । टिपर र टिपर चालक मोरङ बुढीगंगा गाउँपालिका –१ बस्ने ४२ बर्षीय छत्रबहादुर झागरलाई इलाका प्रहरी कार्यालय केराबारीले नियन्त्रणमा लिएर थप अनुसन्धान भइरहेको प्रहरीले जनाएको छ ।
