एजेन्सी। कोरोना भाइरसको संक्रमणबाट एकैदिन ६५ जनाको मृत्यु भएको छ। चिनिया स्वास्थ्य अधिकारीका अनुसार मंगलबार मात्र ६५ जनाको मृत्यु भएको हो।

कोरोना भाइरसबाट चीनमा मात्र मृत्यु हुनेको संख्या ४ सय ९० पुगेको छ। चीन बाहिर फिलिपिन्समा एक जनाको मृत्यु भएको थियो। त्यस्तै कोरोना भाइरसबाट संक्रमण हुनेको संख्या २४ हजार ३२४ पुगेको छ। एकदिन अघि यो संख्या २० हजार ४३८ रहेको थियो।

चिनिया अधिकारीका अनुसार चीनको हुबेई प्रान्तमा मंगलबार ३ हजार १५६ जनामा कोरोना भाइरस भेटिएको थियो। हुबेईमा मात्र १२ हजार ६२७ जना अस्पतालमा भर्ना भएको र तीमध्ये ७ सय ७१ जनाको अवस्था गम्भीर रहेको त्यहाँका अधिकारीहरुले जनाएका छन्।

कोरोना भाइरस मृत्यु