आजको मौसम: केहि स्थानमा हल्का बर्षाको सम्भावना
काठमाडौँ। नेपालमा हाल मौसमी प्रणालीको प्रभाव खासै नरहे पनि आंशिक बदली भई देशका केहि स्थानमा हल्का बर्षाको सम्भावना रहेको जल तथा मौसम पूर्वानुमान महाशाखाले जनाएको छ।
आज दिउँसो देशका पूर्वी र मध्य पहाडी भू-भागमा अपरान्ह पछि आंशिक देखि सामान्य बदली रही पश्चिमका पहाडी भूभागमा आंशिक बदली रहने महाशाखाले जनाएको छ। बाँकी भू-भागमा मौसम सामान्यतया सफा रहने छ। देशको पुर्वी र पश्चिमी पहाडी भू-भागका एक दुई स्थानमा हल्का वर्षा हुने सम्भावना समेत रहेकाे महाशाखाले जनाएको छ ।
आज राति देशका पहाडी भू-भागमा आंशिक देखि सामान्य बदली रही बाँकि भू-भाग सामान्यतया सफा रहने पूर्वानुमान गरेको छ ।शुक्रबार देशका पश्चिमी भू-भागमा सामान्य बदली रही बाँकी भू-भागमा आंशिक बदली रहने अनुमान गरेको छ।
आजको मौसम
