काठमाडौंः अमेरिकी महिला अन्तरिक्ष यात्री क्रिस्टिना कोच अन्तर्राष्ट्रिय अन्तरिक्ष केन्द्रमा करिब एक वर्ष बिताएर बिहीबार पृथ्वीमा अवतरण गरेकी छिन् ।

अमेरिकी अन्तरिक्ष संस्था (नासा) की ४१ वर्षीया इन्जिनियर कोच कजाकस्तानमा अरू दुई अन्तरिक्ष यात्रीसहित अवतरण गरेकी हुन् । नासाका अनुसार कोच सबैभन्दा बढी समय अन्तरिक्ष केन्द्रमा बिताउने पहिलो महिला अन्तरिक्ष यात्री हुन् ।

अन्य दुई सदस्यमा युरोपेली अन्तरिक्ष निकायका लुका पार्मिटानो र रसियाका अलेक्जान्डर स्केभोर्सोभ छन् । कोचले गत अक्टोबरमा नासाकै सहकर्मी जेस्सिका मायरसँग मिलेर अन्तरिक्ष केन्द्रबाहिर हिडेकी थिइन् । 

नासा क्रिस्टिना कोच