बसले ठक्कर दिँदा स्कुटरमा सवार ल्याब टेक्निसियनको मृत्यु
चितवनः पूर्व–पश्चिम राजमार्गको पूर्वी चितवनको वीरेन्द्रनगर चोकमा बसको ठक्करबाट स्कुटरमा सवार एक युवकको ज्यान गएको छ । दुर्घटनामा अर्का एक जना घाइते भएका छन् ।
प्रदेश नम्बर १ ०१००१ ख ३४६४ नम्बरको बसले गएराति विपरीत दिशाबाट आउँदै गरेको प्रदेश नम्बर ३ ०३०१४ प १४४६ नम्बरको स्कुटरलाई ठक्कर दिएको थियो ।
बसको ठक्करबाट गम्भीर घाइते भएका स्कुटर पछाडि बस्ने बाराको परवानीपुर–२ मुसहरी गाउँ निवासी १९ वर्षीय राजिव ठाकुरको उपचारका क्रममा पुरानो मेडिकल कलेज भरतपुरमा मृत्यु भएको जिल्ला प्रहरी कार्यालय चितवनले जनाएको छ ।
मृतक ठाकुर पुष्पाञ्जली हस्पिटल भरतपुरका ल्याब टेक्निसियन हुन् । स्कुटर चालकको सोही मेडिकल कलेजमा उपचार भइरहेको छ ।
ठक्कर दिने बस र चालकलाई प्रहरीले नियन्त्रणमा लिएर अनुसन्धान सुरु गरिसकेको छ । (फाइल फोटो)
पूर्व–पश्चिम राजमार्ग दुर्घटना ल्याब टेक्निसियन
