काठमाडौंको तापक्रम आज दिउँसो २५ डिग्री सेल्सियस पुग्ने
काठमाडौंः उपत्यकामा आज दिउँसोको तापक्रम २३ देखि २५ डिग्री सेल्सियससम्म पुग्ने मौसमविदले बताएका छन् ।
पूर्वानुमान महाशाखाका अनुसार उपत्यकामा आज बिहानको न्यूनतम तापक्रम ६ दशमलव ५ डिग्री मापन गरिएको छ । अहिले बिहान देशको पहाडी भू–भागको मौसम आंशिक बदली रहेको छ ।
बाँकी भू–भागको मौसम समान्यतयाः सफा रहेको महाशाखाका मौसमविद मिनकुमार अर्यालले जानकारी दिए । आज देशभर कतै पानी पर्ने सम्भावना नरहेको उनले बताए ।
दिउँसो देशका पहाडी भू–भागमा आंशिक बदली र बाँकी भू–भागमा मौसम सामान्यतयाः सफा रहने मौसमविद् अर्यालको भनाई छ ।
राति पनि देशका पहाडी भू–भागमा आंशिक बदली रही बाँकीकि भू–भागमा मौसम सामान्यतयाः सफा रहने पूर्वानुमान महाशाखाले जनाएको छ ।
काठमाडौं तापक्रम मौसमविद
