काठमाडौँ। साताको चार दिन उडान भर्दै आएको कोरियन एयरले काठमाडौँ उडानमा कटौती गरेको छ । आगामी सोमबारदेखि लागु हुने गरि कम्पनीले साताको एक दिन मात्र उडान भर्न लागेको हो । 

कोरियन एयरले मार्च महिनाभर कोरियन एयरले उडान कटौती गरेको हो । यसबीचमा सोमबार हुने उडान बाहेक कूल ६ वटा उडान रद्द भएका छन।

कम्पनीका अनुसार कोरोना भाइरसविरुद्ध नेपाल सरकारले ल्याएको नीतिलाई सहयोग गर्न र अन्यन्तै कम बुकिङ रेटका कारण उडान रद्द गर्नु परेको हो। 

यसबीचमा टिकट काटिसकेका यात्रुले बिना कुनै जरिवाना टिकट रद्द वा उडान मिति सार्न सक्ने भएका छन् । सातामा एक उडान भने नेपाली यात्रुको सुविधाका लागि निरन्तरता दिइएको कम्पनीले जनाएको छ ।

यसअघि कम्पनीले सोमबार, मंगलबार, शुक्रबार र शनिबार उडान गरिरहेको थियो ।

कोरियन उडान