काठमाडौंः कोरोना भाइरस (कोभिड–१९) संक्रमण फैलिने त्रासले एकै दिन २ लाख बढी मानिस काठमाडौं उपत्यकाबाट बाहिरिएका छन् ।

कोराना रोकथामका लागि सकारकारले सोमबारदेखि देशभर लामो दूरीका सवारीसाधन सञ्चलानमा रोक लगाएसँगै उपत्यका छाड्ने मानिसको संख्या बढेको हो ।

शनिबार मात्रै २ लाख ६ हजार यात्रु काठमाडौं उपत्यकाबाट बाहिरिएका महानगरीय ट्राफिक प्रहरी महाशाखाले जनाएको छ । उपत्यकाका ५ नाकाबाट शनिबार २९ हजार ७३ सवारीसाधन मार्फत उनीहरू बाहिरिएका हुन् ।

सोही दिन काठमाडौं उपत्यका भित्रिने यात्रुको संख्या भने ४८ हजार ७२ जना मात्र छन् । उनीहरू १६ हजार सवारीसाधनमार्फत काठमाडौं उपत्यका आएका हुन् ।

सरकारले कोरोना भाइरस (कोभिड १९) संक्रमण नियन्त्रणका लागि विद्यालय तथा क्याम्पस बन्द गरेसँगै उपत्यकाबाट बाहिरिनेको संख्या ह्वात्तै बढेको हो ।

कोरोना भाइरस काठमाडौं उपत्यका