काठमाडौंः प्रधानमन्त्री केपी शर्मा ओलीको शरीरमा दोस्रो पटक प्रत्यारोपण गरिएको मृगौलाले राम्रोसँग काम गर्न थालेको छ । बुधबार प्रत्यारोपण गरिएको मृगौलाले राम्रोसँग काम गरिरहेको प्रधानमन्त्री ओलीको उपचारमा संलग्न डा. प्रेम ज्ञवालीले जानकारी दिए । 

उनले भने, ‘प्रधानमन्त्रीको मृगौलाले राम्रोसँग काम गरेको छ । बुधबार ३ बजेदेखि अहिलेसम्म १० लिटर भन्दा बढी पिसाब फेरिसक्नुभएको छ । उहाँको शरीरमा रहेको जम्मा भएको फोहोर पदार्थ र पिसाब गएको हो ।’  

सोमबार अस्पताल भर्ना भएका ओलीलाई ‘भान्जी’ नाता पर्ने समीक्षा संग्रौलाले आफ्नो मृगौला दान गरेकी थिइन् । अब अरू कुनै समस्या नदेखिए आजबाट उनलाई मुखबाट तरल खाने कुरा दिइने चिकित्सकले बताएका छन् । 

केपी शर्मा ओली मृगौला