काठमाडौंः भूमि ब्यवस्था, सहकारी तथा गरिबी निवारणमन्त्री पद्मा अर्याल चढेको यति एअरलाइन्सको विमान काठमाडौं विमानस्थलमा आकस्मिक अवतरण भएको छ ।

आज बिहान काठमाडौंबाट पोखरा जानका लागि उडेको विमान प्राविधिक कारणले गन्तब्यमा नपुग्दै पुनः काठमाडौं विमानस्थलमा आपतकालिन अवतरण भएको हो ।

विमान उडेको १० मिनेटमै काठमाडौं विमानस्थलमा अवतरण गरेको थियो । विमानमा सवार सबै सकुशल रहेको एअरलाइन्सले जनाएको छ ।

मन्त्री अर्याल पुनः अर्को विमानमा पोखरा जान लागेको उनका प्रेस संयोजक देवीका घर्तीले जानकारी दिए ।

त्रिभुवन विमानस्थलका प्रवक्ता देवचन्द्रलाल कर्णले प्राविधिक समस्या आएपछि विमानलाई फर्काएर अवतरण गरिएको बताए ।

पद्मा अर्याल आकस्मिक अवतरण