होलीमा सतर्क रहन आग्रह
काठमाडौँ । कोरोना भाइरस सङ्क्रमण विश्वव्यापी बन्दै गएको र नेपालमा समेत उच्च जोखिम रहेकाले यसपालिको फागु पर्व मनाउँदा सतर्क हुनुपर्ने भएको छ ।
कोरोना सङ्क्रमणको जोखिम चिसोमा बढी हुने र धेरै मानिस जमघट हुँदा सर्ने सम्भावना बढी हुने भएकाले फागुमा पानीका लोला हान्ने, पिचकारीले छ्याप्ने र ठूलो जमघटका साथ रङ दल्ने÷खेल्ने काम नगर्न आग्रह गरिएको छ ।
विगत वर्षमा फागुका कार्यक्रम आयोजना गर्ने विभिन्न संस्थाले कोरोना सङ्क्रमणलाई ध्यानमा राखेर फागुका कार्यक्रम रद्द गरेका छन् । साथै हुलमुलमा होली नखेल्न सबैलाई आग्रह गरिएको छ । बर्सेनि होली पर्व आयोजना गर्दै आएकी अभिनेत्री करिश्मा मानन्धरले यो वर्ष होली कार्यक्रम रद्द गरेकी छिन। एभिन्युज टेलिभिजनले होली हङ्गामा कार्यक्रम रद्द गरेको छ ।
संस्कृतिविद् डा. सत्यमोहन जोशीले मेलमिलापसंस्कृतिविद्को पर्व फागु पानी र रङ खेलेरै मनाउनुपर्छ भन्ने छैन भन्दै यस वर्ष कोरोनाको त्रास रहेकाले अबिरको टीका मात्र लगाएर मनाउन सुझाए । गणेशराम लाछीले फागु पर्व नेपालीको संस्कृति भएकाले यसको संरक्षण गर्नुपर्छ तर त्यसका लागि जीवन चाहिन्छ भन्दै जीवन र क्षाका लागि अहिले कोराना सङ्क्रमणबाट जोगिन सतर्क हुनुपर्ने समय हो उनले भने। यो समाचार आजको गोरखापत्र दैनिकमा यलु जोशीले लेखेकी छिन ।
