काठमाडौंः प्रधानमन्त्री केपी शर्मा ओलीलाई आइतबार वा सोमबार अस्पतालबाट डिस्चार्ज गर्न सकिने उपचारमा संलग्न चिकित्सकले बताएका छन् । मृगौला प्रत्यारोपणमा नेतृत्व गरेका प्रा. डा. प्रेम ज्ञवालीका अनुसार स्वास्थ्य अवस्था राम्रो हुँदै गएकाले प्रधानमन्त्री ओलीलाई आइतबार वा सोमबार अस्पतालबाट डिस्चार्ज गर्न सकिने छ ।

तर बालुवाटार जानेबित्तिकै भेटघाट धेरै हुने भएकाले संक्रमणको जोखिम बढ्ने हुँदा अस्पताल मै अझै केही दिन राख्ने कि घर पठाउने भन्नेबारेमा आफूहरुले छलफल गरिरहेको डा. ज्ञवालले बताए ।

गएको बुधबार त्रिवि शिक्षण अस्पतालमा मृगौला प्रत्यारोपण गरिएका प्रधानमन्त्री ओलीको अहिले अस्पतालको विशेष कक्षमा राखिएको छ । प्रधानमन्त्रीको स्वास्थ्यमा क्रमिक सुधार हुँदै गएकाले उनले छिट्टै भिडियो कन्फ्रेन्समार्फत सन्देश दिने तयारी गरेका पनि अस्पतालले जनाएको छ ।

यस्तै प्रधानमन्त्री ओलीलाई मृगौला दिएकी समिक्षा संग्रौलाको स्वास्थ्य अवस्था पनि सामान्य हुँदै गएको अस्पतालले जनाएको छ । 

केपी शर्मा ओली डिस्चार्ज प्रा. डा. प्रेम ज्ञवाली