अछामः भारतबाट नेपाल फर्किदै गरेका एक युवकको सवारी दुर्घटनामा परी मृत्यु भएको छ । भारतमा रोजगारी गरी घर फर्किरहेका अछामको चौरपाटी गाउँपालिकाका एक युवकको भारतको पलियामा दुर्घटनामा परी मृत्यु भएको हो ।

अछाको चौरपाटी गाउँपालिका–४ पायलका ४० वर्षीय हर्कबहादुर सुनारको भारतबाट अछाममा आउने क्रममा पलियामा बसको ठक्करबाट मृत्यु भएको उनका आफन्त शेरबहादुर सुनारले जानकारी दिए । 

मुम्बईबाट पलिया पुगेपछि नेपाल आउने क्रममा सामान बसबाट झार्ने क्रममा अर्को बसको ठक्करबाट उनको ज्यान गएको हो ।

गम्भीर घाईते सुनारको उपचारको लागि अस्पताल लैजाने क्रममा बाटोमै ज्यान गएको आफन्तले जानकारी दिएका छन् । मृतक सुनारका श्रीमती, दुई छोरा र दुई छोरी रहेका छन् ।

दुर्घटना अछाम