काठमाडौं– प्रधानमन्त्री केपी शर्मा ओलीले पार्टी फुटाउन सहज हुने गरी ल्याएको अध्यादेशको तेस्रो दिनमै नयाँ पार्टीको जन्म भएको छ। ओलीको झेल बुझेर राजपा र समाजवादी पार्टीले बुधबार मध्यरातमा एकता गरेका हुन्। बुधबार दिनको प्रयासपछि दुई पार्टी मिलेर जनता समाजवादी पार्टी बनाएका हुन्।

महन्थ ठाकुरलाई पहिलो वरियता दिएर पार्टी एकता गरिएको हो । सहमतिअनुसार पार्टीको झण्डा समाजवादीको र चुनाव चिन्ह राजपाको हुनेछ । एकताको घोषणा लोकतन्त्र दिवसका अवसरमा बिहीबार घोषणा हुनेछ ।

प्रधानमन्त्री ओलीले दल विभाजन सम्बन्धी अध्यादेश ल्याएर यी दुवै पार्टी फुटाउन खोजेका थिए ।

समाजबादि र जनता दल बीच एकीकरन भै बनेको नयां दलको नेता को ? बाहिर आइसकेको छैन । तर दुई दलका बीचमा पूर्बप्रधानमन्त्रीसमेत रहेका डा. बाबुराम भटटराईको नेतृत्वलाई स्विकार गर्ने बारेमा विवाद नरहेको बताइएको छ । महंथ ठाकुर सर्वमान्य नेताका रूपमा रहने र बाबुराम नेतृत्वमा नेतृत्व मण्डल रहने सम्भावना छ । यसबारे ठोस निर्णय हुन बाँकी छ ।