काठमाडौं । इरफान खान गुमाएकाे २४ घण्टा नबित्दै भारतले अर्का चर्चित बलिउड अभिनेता ऋषि कपुरलाई पनि गुमाएको छ । कपुरको ६७ वर्षको उमेरमा बिहीबार निधन भएको छ । क्यान्सरबाट पीडित ऋषि कपुर अस्वस्थ भएपछि बुधबार अस्पताल भर्ना गरिएको थियो ।

भाइ रणधीर कपुरका अनुसार ऋषिलाई क्यान्सर र स्वासप्रश्वाससम्बन्धी समस्या थियो । अमेरिकामा करिब एक वर्षसम्म क्यान्सरको उपचार गराएपछि उनी गत वर्ष सेप्टेम्बर महिनामा भारत फर्किएका थिए । फेब्रुअरी महिनामा पनि स्वास्थ्य बिग्रिएपछि उनलाई दुई पटकसम्म अस्पताल भर्ना गर्नु परेको थियो ।

हिजाे मात्रै  बलिउडका चर्चित अभिनेता इरफान खानकाे निधन भएकाे थियाे । उनकाे हिजै अन्त्यष्टि गरिएकाे छ ।  ऋषि कपुर बलिउड अभिनेता रणवीर कपुरका बाबु हुन्।