महोत्तरीको बर्दिवासमा स्थानीय युवाहरुले चिनियाँ राष्ट्रपति सी चीनफिङको पुत्ला दहन
महोत्तरीको बर्दिवासमा स्थानीय युवाहरुले चिनियाँ राष्ट्रपति सी चीनफिङको पुत्ला दहन गरेका छन् ।
नेपाल प्रहरीमाथि चिनीयाँ नागरिकहरुले गरेको आक्रमण र चिनियाँ मिडियाले सर्वोच्च शिखर सगरमाथा आफ्नो भूमिमा रहेको भन्दै ट्वीट गरेको विषयलाई लिएर लालबन्दीमा युवाहरुले चिनियाँ राष्ट्रपति सी चीनफिङको पुत्ला दहन गरेका हुन् ।
बर्दीवासमा गौतम पाण्डको नेतृत्वमा युवाहरुको समूहले चिनीयाँ राष्ट्रपति जिनपिङको पुतला दहन गरेका हुन् ।
केही दिन अघि चीनको राष्ट्रिय टेलिभिजन चाइना ग्लोबल टेलिभिजन नेटवर्कले आधिकारिक ट्वीटर पेजमा चोमोलोङमाको चुचुरो माथि देखिएको विशेष किसिमको सूर्यको दृश्य भनी तस्बिर राखेको थियो । जसमा विश्वको सर्वोच्च शिखर माउन्ट एभरेष्ट चीनमा पर्छ भनिएको छ ।
त्यस्तै, चिनीयाँ नागरिकहरु नेपालमै वसी नेपाल प्रहरीमाथि आक्रमण गर्नु गम्भीर विषय बनेको भन्दै युवाहरु आक्रोस पोखेका छन् ।
केहिदिन अघिमात्र राजधानी काठमाडौंका विभिन्न क्षेत्रमा बस्ने चिनियाँहरू सिंहदरबार अगाडि भेला भएर नेपाल प्रहरीमाथि आक्रमण गरेका थिए ।
