काठमाडाैं । नेपाली कांग्रेसका युवा नेता मीन कृष्ण महर्जनले लकडाउनका कारण जनता भोकभोकै मर्ने अवस्था आइसकेको बताएका छन् । नेपाल आजसंग कुरा गर्दै उनले यस्तो बताएका हुन् । 

'अहिले लकडाउनका कारण जनता एकदमै मारमा छ । बाहिर मात्रै नआएको हो, अहिले जनताहरु भोकभोकै मर्ने अवस्था छ ।' उनले भने-'सरकारले जनतालाई ब्यबस्थापन गर्न सकेन ।' वर्तमान सरकारलाई जनताको काम गर्न भन्दा पनि शोषण गर्न आएको उनको आरोप छ ।

'यो सरकार जनताको काम गर्न आएको होइन, जनतालाई शोषण गर्न आएको हो ।' उनले भने -'यो कुरा सबैले बुझेको छ । किनभने अहिले जनताले इतिहासमै नपाएको दुख पाइरहेका छन् । जनताले सरकार छ भन्ने महशुस गरेकै छैन ।'

नेपाली जनताले सरकारको आदेश मानेरभन्दा पनि खतरानक कोरोना भाइरससँग डराएर लकडाउनको पालना गरिरहेको उनको बुझाई छ । सरकारले समयमै ध्यान नपुर्याएका कारण नेपालमा संक्रमणले भयावह रुप लिन लागेको उनको दावी छ ।

अर्को प्रसंगमा उनले शसस्त्र प्रहरीले एक, दुई हजार पैसा लिएर सिमानामा नेपालीहरुलाई भित्र्याइरहेको उनको आरोप छ । सरकारले समयमै सिमानाकाहरु सिलबन्दी नगरेका कारण नेपालमा भयावह अवस्था आएको पनि उनको दावी छ । हेर्नुहोस भिडियो