मधेसका युवाहरुले सरकारको विरोधमा राैतहटको गाैरमा प्रदर्शन गरेका छन्।

जनता समाजबादी पार्टीक नेतृ तथा संधिय सांसद सरिता गिरिको घरमा तोडफोड गरेको बिरोधमा  गाैरका युवाहरुले सडकमा उत्रेका हुन् । 

गौरको मधेश क्रान्ति चौक विरोध कार्यक्रम आयोजना हुने प्रशासनले खबर पाएपछि बाक्लो मात्रमा प्रहरी परिचालन गरेको थियो । आन्दोलनमा प्रहरीको अवरोध भएपछि प्रदर्शनकारीहरु सडकमै उभिएर  केही बेर विरोधका नारा लगाएका थिए । 

ओलि देउवा राष्ट्रिय घाती हुन , गिरी  होइनन् लगायतका नारा लेखिएका प्लेकार्ड लिएर युवा जुलुसमा सहभागी भएका थिए । 

कोरोना र गिरीको बिबाद्लाइ लिएर सरकारको चौतर्फी विरोध सुरु भएको छ । 

गाैरका स्वतन्त्र युवाहरुको अगुवाईमा भएको प्रदर्शनमा एक सय भन्दा बढी युवाहरुको सहभागिता रहेको थियो ।