काठमाडौं– कम्युनिस्ट सरकार विरुद्ध दार्चुलाका जनाता आन्दोलित बनेका छन्। महामारी नियन्त्रण तथा रोकथममा प्रभावकारी काम गर्न नसकेको भन्दै कांग्रेसका भातृ संस्था नेवि संघ, तरुण दल र दलित संघको नेतृत्वमा आन्दोलन भएको हो।

कोरोना नियन्त्रण गर्न प्रभावकारी काम गर्न नसकेको, उल्टै भ्रष्टाचारमा लिप्त बनेको भन्दै उनीहरुले आन्दोलन गरेका हुन्। यस्तै रुकुम पश्चिम घटनामा ज्यान गुमाएका नवराज विक सहितका ६ जनालाई उनीहरुले न्याय समेत मागेका छन्।

पछिल्लो समय सरकार एकपछि अर्को अनियमितितामा जोडिन पुगेको छ। पर्याप्त परिक्षण गर्न नसकेको र क्वारेन्टाइनमा मानिसको मृत्यु भएको विषयले सरकार आलोचित हुँदै गएको छ। सोही कारण सरकार विरुद्ध सडकमा प्रर्दशन गर्ने क्रम समेत बढेको छ।