सुनसरी । सुनसरीको धरानस्थित एक घरमा आगलागी  भएको छ । उक्त आगलागीमा परेर दुई जनाको मृत्यु भएको छ । धरान-१५ स्थित नरबहादुर श्रेष्ठको घरमा आगलागी हुँदा दुई जनाको मृत्यु भएको सुनसरी प्रहरी प्रमुख एसपी कमल थापाले पुष्टि गरे ।

उनले भने, ‘आगलागी के कसरी भएको हो यसबारे अनुसन्धान भइरहेको छ, आगलागीमा परी २ जनाको जलेर मृत्यु भएको छ ।’ उनका अनुसार स्थानीय ८७ वर्षीया धनमाया श्रेष्ठ र ५८ वर्षीया सीता श्रेष्ठको आगोले जलेर मृत्यु भएको छ । दमकल, प्रहरी र स्थानीयको सहयोगमा आगो नियन्त्रणको प्रयास जारी छ ।