भारतको कूटनीतिक दबाबका इस्लामावाद उच्च अदालतले मृत्यु दण्डको सजाय सुनाइएका भारतीय नागरिक कुलभूषण जाधवको सुनुवाईका लागि बृहत बेन्ज गठन गरिएको छ । जीओ न्युजका अनुसार उक्त बृहत बेन्चमा इस्लामावाद उच्च अदालतका मुख्य न्यायाधीश अथ मिनाल्लाह, न्यायाधीश अमि फरुक र न्यायाधीश मियान गुल हसन अउरङजेब रहेका छन् । शुक्रबार गठन भएको यस बेन्चका लागि आगामी सेप्टेम्बर ३ मा मुद्दाको पेशी तोकिएको छ । 

भारत सरकारले पाकिस्तानलाई लगातार जाधवको मुद्दामा काउन्सुलर उपलब्ध गराउन दबाब दिएपछि इस्लामावाद उच्च अदालतले फेरि सुनुवाईका लागि बृहत बेन्च गठन गरेको हो । पाकिस्तानी प्रधानमन्त्री इमरान खानले पाकिस्तान सरकारले यस विषयमा भारत सरकारसँग परामर्श गरेको दाबी गरेको छ । 

यसअघि पाकिस्तानी मिडियाले इस्लामावाद अदालतले भारतीय अधिकारीहरुलाई पनि आफ्नो धारणा राख्‍न दिनुपर्ने जनाएका थिए । यद्पि यस विषयमा भारतीय विदेश मन्त्रालयलाई भने केही जनाकारी गराइएको छैन । भारतीय विदेश मन्त्रालयका प्रवक्ता अनुराग श्रीवास्तवले यस विषयमा आफूलाई केही जानकारी नआएको बताएका छन् । गत महिना भारतले पाकिस्तानी कुलभूषण जाधवको मुद्दामा सम्पूर्ण प्रभावकारी उपायका मञ्‍चहरु बन्द गरेकव बताएको थियो । 

पाकिस्तानले सन् २०१६ मा जाधवलाई बलुचिस्तानबाट जासुसी गरेको आरोपमा पक्राउ गरेको थियो । तर भारतले पनि उनलाई इरानी बन्दरगाह चाहबहारबाट नियन्त्रणमा लिएको बताएको छ । सन् २०१७ मा पाकिस्तानको सैन्य अदालतले उनलाई मृत्यु दण्डको सजाय दिएको थियो । तर, गत वर्षको जुलाईमा अन्तर्राष्ट्रिय अदालतले मृत्यु दण्डको सजाय रोक्‍न आदेश दिएको थियो ।