एजेन्सी : अमेरिकी विदेशमन्त्री माइक पोम्पेओले अमेरिका चीनविरुद्ध इक्वेडरको पक्षमा उभिने बताएका छन् । सामुद्रिक पहुँच भएका मुलुकको सार्वभौम सत्ता र न्याय प्रणालीको चीनले उल्लंघन गरेको भन्दै अमेरिकी विदेश मन्त्री पोम्पेओले यसो बताएका हुन् । 

पोम्पेओले ट्विट गर्दै भनेका छन्, "चीनले आफ्नो असन्तुलित माछा मार्ने अभ्यास रोक्‍नुपर्दछ । यसले नियम तोड्ने र महासागरहरूको जानाजानी वातावरणीय बिगार्ने काम गरिरहेको छ । यस्तो गतिविधि तत्काल रोक्न‍ु आवश्यक छ । हामी इक्वेडरको पक्षमा उभिएका छौं र बेइजिङलाई अवैध, अप्रत्याशित र अनियमित माछा मार्ने काम रोक्न आग्रह गर्दछौं ।"

पश्चिमा सञ्‍चारमाध्यमहरुले इक्वेडरको गालापागोस समुद्री रिजर्भको नजिकै २६० चिनियाँ झण्डाबाहक जहाजमा माछा मार्ने खबर प्रसारण गरेपछि पोम्पेओले यस्तो टिप्पणी गरेको चिनियाँ सञ्‍चारमाध्यम ग्लोबल टाइम्सले जनाएको छ । 

एउटा छुट्टै बयानमा अमेरिकी राज्य विभागले भन्यो कि जनगणतन्त्र चीनले विश्वको सबैभन्दा ठूलो व्यावसायिक माछा मार्ने फ्लीटलाई सब्सिडी दिन्छ, जसले नियमित तटीय राज्यको सार्वभौम अधिकार र अधिकार क्षेत्रको उल्लंघन गर्दछ, अनुमतिबिना माछा मार्ने काम बन्द गर्दै लाइसेन्स सम्झौताहरूलाई उल्लंघन गरेको छ ।

विभाले भन्‍यो, "गैरकानुनी, अप्रमाणित, र अनियन्त्रित माछा मार्ने र नियम उल्लंघन गर्नुका साथै जानाजानी वातावरणमा असर पुर्‍याउने दुर्भाग्यपूर्ण रेकर्डलाई ध्यानमा राख्दै यो पहिलेभन्दा पनि महत्त्वपूर्ण छ कि अन्तर्राष्ट्रिय समुदाय कानुनको शासनको पक्षमा उभिएर बेइजिङबाट राम्रो वातावरण व्यवस्थापनको लागि आग्रह दिन्छ ।"

https://www.justearthnews.com/development-details/G/5734/time-for-china-to-stop-its-unsustainable-fishing-practices-pompeo-tweets-expressing-support-for-ecuador.html