नेपाल आयल निगमको अमलेखगञ्ज डिपोमा ल्याउँदै गरेको पेट्रिलियम पदार्थमा मिसावट गर्ने दुई जना ट्यांकर चालकलाई वारा प्रहरीले पक्राउ गरेको छ ।

ना ७ ख ३९२३ का चालक बाराको जितपुरसिमरा उपमहानगरपालिका– २१ बस्ने २६ वर्षिय राजेश विश्कर्मा र र ना ७ ख ४०९३ नं. को ट्यांकका चालक मकवानपुरको हेटौडा नगरपालिकाि –११ नवलपुर बस्ने २९ वर्षिय सन्तोष खड्कालाई प्रहरीले पक्राउ गरेको हो ।

उनीहरुले पेट्रोलको ट्यांकरमा मिसावट गरेको पाईएकाले पक्राउ गरिएको जिल्ला प्रहरी कार्यालय वाराले जनाएको छ । नेपाल आयाल निगमको २ नं. प्रादेशिक कार्यालय अमलेखगञ्जमा पेट्रोलियम पदार्थ खालि गर्ने क्रममा गुणस्तर चेकजाँच गर्दा मिसावट पुष्टि भएको प्रहरीले जनाएको छ ।

उनीहरुलाई कालो बजार तथा अन्य सामाजिक अपराध ऐन २०३२ अन्तर्गत जिल्ला प्रशासन कार्यालय बाराबाट १० दिनको म्याद थप गरी थप अनुसन्धान भईरहेको जिल्ला प्रहरी कार्यालय वाराले जानकारी दिएको छ ।