सप्तरीमा सामुहिक वालात्कारमा परेकी एक किशोरीले आत्महत्या गरेको प्रकरणका मुख्य दुई आरोपीलाई प्रहरीले पक्राउ गरेको छ ।

डाकनेश्वरी नगरपालिका–७ की १७ वर्षिया किशोरीलाई बलात्कार गरेको आरोपमा उनीहरु पक्राउ परेका हुन् । भदौ २९ गते भएको वलात्कार घट्नापछि किशोरीले आत्महत्या गरेकी थिईन।

वलानविहुल गाउँपालिका ४ स्थित वेल्ही भन्ने स्थानवाट डाकनेश्वरी ७ का १८ वर्षीय सुमन कुमार मण्डल (बब्लु) र रन्जित मण्डललाई पक्राउ गरिएको जिल्ला प्रहरी कार्यालय सप्तरीका डिएसपी तिलक भारतीले जानकारी दिए । इलाका प्रहरी कार्यालय कल्याणपुरको टोलीले उनीहरुलाई वाटोमा हिडिरहेको अवस्थामा वुधवार राती करिव ९ वजे पक्राउ गरेको हो ।

उनीहरुलाई इलाका प्रहरी कार्यालय कल्याणपुको हिरासतमा राखिएको छ । सामुहिक वलात्कारमा संलग्न ३० वर्षीय धर्म मण्डल र ३५ वर्षीय विष्णु मण्डल अझै पनि फरार रहेकाले खोजी भईरहेको प्रहरीले जनाएको छ ।

पक्राउ परेकाहरुलाई शुक्रवारै जिल्ला अदालत राजविराजवाट म्याद थप गरी थप अनुशन्धान गरीने डिएसपी भारतीले वताए । उनीहरुलाई वलात्कार र आत्महत्या दुरुत्साहनको मुद्दा चलाईने इलाका प्रहरी कार्यालय कल्याणपुरका इन्स्पेक्टर धर्मराज मुडभरीले जानकारी दिए ।

सो प्रकरणमा प्रहरीले यसअघि पनि तीन जनालाई पक्राउ गरेको थियो । धानखेतमा गएकी किशोरी सामुहिक वलात्करमा परेपछि उक्त घटना लुकाउन भुमिका खेलेको आरोपमा स्थानीय जयकान्त मण्डल, वासुदेव मण्डल र सत्यनारायण मण्डललाई यसअघि नै पक्राउ गरिएको डिएसपी भारतीको भनाई छ ।

वलात्कारको घट्नापछि गाउँमा वसेको पञ्चायतीले पीडित र उनको परिवारलाई प्रहरीमा नजान र नगद लिएर मिलापत्र गर्न दवाव दिएको थियो । पञ्चायतको निर्णयपछि नै किशोरीले आत्महत्या गरेकी थिईन । सोहि प्रकणमा पक्राउ परेका तीन जनालाई आत्महत्या दुरुत्साहनको मुद्दा चलाईने इन्स्पेक्टर मुडभरीको भनाई छ ।