२४ घण्टाभित्र नेपालमा थप १२ सय ४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता डा जागेश्वर गौतमले यो संख्या पुष्टि गरेका हुन् ।
योसँगै नेपालमा कोरोना संक्रमितको संख्या ६२ हजार ७ सय ९७ पुगेको छ ।

२४ घन्टामा १४ सय ४७ जना कोरोनामुक्त भएर डिस्चार्ज भएका छन् । कोरोनामुक्त हुनेको संख्या ४५ हजार २ सय ६७ जना पुगेको छ ।

यस अवधिमा थप ११ जनाको संक्रमितले ज्यान गुमाएका छन् ।

२४ घन्टामा १० हजार ३ सय ३३ पीसीआर परीक्षण भएको थियो भने हालसम्म पीसीआर गरिएको संख्या ९ लाख ४ हजार ७०६ पुगेको छ ।
मुलुकमा १७ हजार १२९ जना सक्रिय संक्रमित छन्।